禾庭手工火鍋 (已結業)

銅鑼灣自從疫情之後真係變咗好多，早幾個月都無留意，一段時間無黎呢區就feel到唔同晒地舖唔再係好多藥房，而係賣平價家品，餐廳唔再係爆滿而係好多吉位，甚至唔少地舖都開咗新餐廳。呢間新火鍋都係位於地舖，真係幾新，連酒牌都未批，無得飲啤舖頭裝修勁靚又好坐，無限時食野，逐碟計嗰d。位置好方便，對面就係鐵站出口外面睇真係唔覺係邊爐舖，靚到cafe咁秘製沙嗲鍋，可能太多水，無想像中嘅沙嗲咁濃，有少少香味。湯底好多塊炸芋頭，炸過再淥，香好多！醬料調味料唔多，醬只得好咸嘅豉油手打鮮蝦丸，真係好有手工感覺，一夾落去好軟，聽到隔離枱叫嗰陣，侍應話打緊未有住~海帶清酒浸滑牛肉，一上枱已經勁大酒味，清酒完全浸住d牛肉，淥完入口都成陣酒味，crazy, 創意食法！唔知浸咗幾耐，超入味omg, 牛嘅肉香夾住酒香，nice宮廷格格肉，好厚嘅豬肉方塊，肉質好緊密，有d似豬頸肉但無咁肥，唔乾，好有驚喜嘅一款日本玫瑰黑豚肉，呢個唔簡單，每朵玫瑰都好大塊黑豚肉，仲卷到成朵花咁。肉質好軟滑，有d似肥牛嗰種但肉嘅比例多好多，都無咁碎/散。田園五色蔬菜盤好fresh, 份量都幾多，呢個價錢要買齊呢d都只係剛剛好，而家d野好貴，出