影片
更多
2019-10-01
68 瀏覽
紅橋不嬲都比較多小店賣好野食，放工經過呢間鋪頭，諗住粗粗地食個飯就返屋企抖，點知佢d野食比想像中精緻好多，好好食！
果日walk in食既客人唔算好多，但係勁多人嗌外賣走，坐入去一陣發現個個都會嗌豬頸肉食，所以男朋友都嗌左個豬頸肉試下～1. 豬頸肉咖喱飯
呢個豬頸肉真係一流，望個樣都知表面係炸得超脆。食落超惹味，神奇在咬落去完全唔會好似普通炸豬頸肉咁有浸油食裏面。同老闆傾左幾句，原來佢話d豬頸肉係放入氣炸鍋到咋，唔係平時油炸咁整，所以做到外脆﹑鎖肉汁既效果，真係食晒咁多條都唔會覺得膩！而佢個咖喱都整得好好！除左有一舊舊薯仔之外，基本上成個汁都係薯蓉黎，撈飯食真係好實在！小小辣，開胃好味！
2. 雞翼拉麵＋溏心蛋
呢個看似普通既拉麵又真係深得我心。麵十分有彈性食落好彈牙，唔會太硬又唔會太林，應該係煮麵上都花左唔少功夫！晚餐加左幾蚊要個溏心蛋，老闆同我地講話佢地整個溏心蛋都有一個特別既方法，所以重來都唔會失手，好多客都會係晏晝黎食lunch，為既就係免費送既果隻溏心蛋！哈哈！
主角雞翼都唔會被比下去，十分入味，咬落去爆汁唔會乾爭爭，真係要去試下先知原來普通雞翼可以咁好食！每一道菜既
1. 豬頸肉咖喱飯 呢個豬頸肉真係一流，望個樣都知表面係炸得超脆。食落超惹味，神奇在咬落去完全唔會好似普通炸豬頸肉咁有浸油食裏面。同老闆傾左幾句，原來佢話d豬頸肉係放入氣炸鍋到咋，唔係平時油炸咁整，所以做到外脆﹑鎖肉汁既效果，真係食晒咁多條都唔會覺得膩！而佢個咖喱都整得好好！除左有一舊舊薯仔之外，基本上成個汁都係薯蓉黎，撈飯食真係好實在！小小辣，開胃好味！
2. 雞翼拉麵＋溏心蛋 呢個看似普通既拉麵又真係深得我心。麵十分有彈性食落好彈牙，唔會太硬又唔會太林，應該係煮麵上都花左唔少功夫！晚餐加左幾蚊要個溏心蛋，老闆同我地講話佢地整個溏心蛋都有一個特別既方法，所以重來都唔會失手，好多客都會係晏晝黎食lunch，為既就係免費送既果隻溏心蛋！哈哈！ 主角雞翼都唔會被比下去，十分入味，咬落去爆汁唔會乾爭爭，真係要去試下先知原來普通雞翼可以咁好食！
每一道菜既食材都有用心準備，感受到小店既認真對待！睇黎要定期去支持下先得喇！！
張貼
