影片
更多
2018-04-06
87 瀏覽
9¾ cafe作為一個哈利波特迷，去到英國，梗係一定要去英國9 ¾月枱影相留念，香港都開咗9 ¾月台 cafe，梗係要去朝聖下啦。先講裝修，真係好有心思，一入到門口，就見到牆壁上面有一個哈利波特嘅行李車，同埋籠入邊仲有一隻貓頭鷹添吖。去英國旅行嘅回憶返晒黎啊。配合埋餐廳入邊嘅魔幻音樂， 真係幾有feel。侍應好快就為我地送上兩杯水，隻杯嘅設計好特別，並不能夠完全直立喺枱上，起初以為隻杯快要倒下來了，相信係老闆用心良苦搜購回來。同埋一本設計好別緻餐牌。個餐牌入邊都好夢幻，有湯、沙律、錢財、意粉、意大利飯、小食等。作為一間主題cafe，其實都幾多元化。呢度所有嘅食物名稱都別具心思，單憑佢個名，絕對唔能夠估到其實係乜嘢嘅食物。噗噗蘭$38（芝士焗西蘭花）西蘭花用左黑椒做調味，西蘭花面上都鋪滿左芝士。西蘭花本身都唔會話住得太晏，加埋芝士，係健康同邪惡嘅化身。暴暴吞＄48（芝士黑松露煙肉焗薯條）個薯條上面鋪左芝士，仲有拉絲嘅效果，呢個價錢，仲有煙肉粒，如果松露味可以在濃郁一啲就好啦。港口匙＄98（意式三文魚帶子意大利飯）初頭以為返上面會有兩粒大帶子，原來帶子係元氣食嗰種小柱，雖然細細粒，但係都好
作為一個哈利波特迷，去到英國，梗係一定要去英國9 ¾月枱影相留念，香港都開咗9 ¾月台 cafe，梗係要去朝聖下啦。
先講裝修，真係好有心思，一入到門口，就見到牆壁上面有一個哈利波特嘅行李車，同埋籠入邊仲有一隻貓頭鷹添吖。去英國旅行嘅回憶返晒黎啊。配合埋餐廳入邊嘅魔幻音樂， 真係幾有feel。
侍應好快就為我地送上兩杯水，隻杯嘅設計好特別，並不能夠完全直立喺枱上，起初以為隻杯快要倒下來了，相信係老闆用心良苦搜購回來。同埋一本設計好別緻餐牌。個餐牌入邊都好夢幻，有湯、沙律、錢財、意粉、意大利飯、小食等。作為一間主題cafe，其實都幾多元化。呢度所有嘅食物名稱都別具心思，單憑佢個名，絕對唔能夠估到其實係乜嘢嘅食物。
噗噗蘭$38（芝士焗西蘭花）
西蘭花用左黑椒做調味，西蘭花面上都鋪滿左芝士。西蘭花本身都唔會話住得太晏，加埋芝士，係健康同邪惡嘅化身。
暴暴吞＄48（芝士黑松露煙肉焗薯條）
個薯條上面鋪左芝士，仲有拉絲嘅效果，呢個價錢，仲有煙肉粒，如果松露味可以在濃郁一啲就好啦。
港口匙＄98（意式三文魚帶子意大利飯）
初頭以為返上面會有兩粒大帶子，原來帶子係元氣食嗰種小柱，雖然細細粒，但係都好嫩滑，揾唔到三文魚，可能溶左。每粒飯都被有濃濃既汁包住，整體不過不失😋
小巨人的點心＄168（香草焗羊架）
好香香草味，侍應都有細心問我哋七成熟定係全熟， 成日都話圖片只供參考，同實物唔一樣，因為圖片只有兩件，點知上枱嘅時候發現$168有四件，實在太誇張喇，兩個女仔，每人兩件食完都飽左，真係好抵。
特別一讚餐廳好細心，每一張枱下面都有一個藤籃，比乘客擺放佢哋嘅貴重財物。 令一個兩點係牙簽筒，因為佢嘅設計真係非常別致，好夢幻嘅感覺。
張貼
