LAB10 (已結業)

之前路過見午巿套餐幾平，今次專誠試試。點了大醬湯和炸雞芝士炒飯餐飲送柚子茶或咖啡或茶通常韓國餐廳都會先送上前菜，而這個是不設前菜的。大醬湯用石鍋送上，保温不錯，湯很濃，配料有五花腩翠肉瓜等，味道偏鹹。白飯很大碗，米飯是珍珠米，尚算有飯香。炸雞芝士炒飯芝士上碟時可觀度不錯，炒雞香脆炸得適中，炒飯有蛋香味，芝士吃時沒有視覺上咁多，吃兩羹便吃完。整體尚算合格。點餐飲時，指著餐牌點附送的柚子茶，店員問凍定熱，由於當日天氣比較熱，所以點了凍，送來是加了半個青檸的凍柚子茶，第一次光顧，以為該店的柚子茶都是這樣沒有為意。到結賬時，兩人多收了$56，我即時看看餐牌，原來幫我地點左個青檸柚子特飲，人生路不熟，冇諗過凍飲會轉做特飲，只怪自己沒有問清楚凍飲要唔要加錢。原本預算$117.7的午餐頓時變成$176，杯飲品仲貴過我個午餐。回到家中先醒起，餐牌上有寫，轉餐牌其他飲品都係加廿蚊，但佢收左我正價。大家幫襯時記得check 單同問清楚收費。