更多
2017-12-06
1386 瀏覽
海外親戚回港歡聚，家族提早做冬聯誼，二十多人的晚宴早於一個多月前開始搜尋合適酒家，要交通方便、食物有水準、有廂房，要求多多，聯絡咗三家酒樓後訂檯 觀塘龍皇酒家。其實呢類年尾飯宴最緊要係大家開開心心見見面、食返餐，十多個餸菜都係希望飽肚又好意頭， 如果純滋味行心態要求就唔多正確了。一貫香港食開嘅粵式餐宴，第一個上檯菜 乳豬，燙手妙齡豬其實就唔係好夠燙，至於妙齡就目測大小可見，分分鐘妙齡到眼都末開就要橫陳餐桌之上，所以千祈唔好做大嘥鬼，小乳豬皮脆肉嫩，真材實料味道口感都交足功課，附小包點伴脆皮豬，可自製迷你版乳豬三治逗小朋友食多件。鮮果盞伴百花釀蟹鉗，氹小朋友香口嘢，難得入口重暖暖地，因太多酒家一早做定攤凍曬又點會脆吖；鮮果沙律味道還可以，但啲生果切得太細粒點用筷子食呀？翡翠炒帶子，意外調味醬油幾好味，帶子鮮味出晒嚟，難得帶子同西蘭花都一樣煮得咁爽口。紅燒海參翅就當有個湯羹飲吓咁啦......你懂的。清蒸沙巴海龍躉，可以俾個讚，魚夠鮮、無蒸過火、肉離骨，剛剛好，長輩們都話唔錯。蠔皇八頭先飽伴椎茸，冬菇夠肉厚、 元寶狀鮑魚入味又彈牙，真正鮑汁菜梗係要食多兩條啦。蔥油淋文昌雞，全晚最喜出望外菜
其實呢類年尾飯宴最緊要係大家開開心心見見面、食返餐，十多個餸菜都係希望飽肚又好意頭， 如果純滋味行心態要求就唔多正確了。
一貫香港食開嘅粵式餐宴，第一個上檯菜 乳豬，
燙手妙齡豬
44 瀏覽
0 讚好
0 留言
燙手妙齡豬其實就唔係好夠燙，至於妙齡就目測大小可見，分分鐘妙齡到眼都末開就要橫陳餐桌之上，所以千祈唔好做大嘥鬼，小乳豬皮脆肉嫩，真材實料味道口感都交足功課，附小包點伴脆皮豬，可自製迷你版乳豬三治逗小朋友食多件。
鮮果盞伴百花釀蟹鉗
62 瀏覽
0 讚好
0 留言
鮮果盞伴百花釀蟹鉗，氹小朋友香口嘢，難得入口重暖暖地，因太多酒家一早做定攤凍曬又點會脆吖；鮮果沙律味道還可以，但啲生果切得太細粒點用筷子食呀？
翡翠炒帶子
32 瀏覽
0 讚好
0 留言
翡翠炒帶子，意外調味醬油幾好味，帶子鮮味出晒嚟，難得帶子同西蘭花都一樣煮得咁爽口。
紅燒海參翅就當有個湯羹飲吓咁啦......你懂的。
清蒸沙巴海龍躉
40 瀏覽
0 讚好
0 留言
清蒸沙巴海龍躉，可以俾個讚，魚夠鮮、無蒸過火、肉離骨，剛剛好，長輩們都話唔錯。
蠔皇八頭先飽伴椎茸
45 瀏覽
0 讚好
0 留言
蠔皇八頭先飽伴椎茸，冬菇夠肉厚、 元寶狀鮑魚入味又彈牙，真正鮑汁菜梗係要食多兩條啦。
蔥油淋文昌雞
19 瀏覽
0 讚好
0 留言
蔥油淋文昌雞，全晚最喜出望外菜式，蔥油香，不油膩，肉暖皮溫，雞滑滿彈性，一咬即知走地雞，兩圍都無得打包依碟雞，好味程度可見一班。
鮮淮山杞子泡時蔬
22 瀏覽
0 讚好
0 留言
鮮淮山杞子泡時蔬，淮山鮮甜清爽配晒上湯泡白菜。
五穀豐登，一般荷葉飯冇驚喜。
吉祥伊麵
23 瀏覽
0 讚好
0 留言
吉祥伊麵，乾身唔油膩。
最渣陳皮紅豆沙，似滾水砂糖溝出咁滯。
蓮蓉壽包，意頭嘅嘢梗係要嚟塞住個口啦，唔係仲要評呀？
家族宴最重要上上下下嘻嘻哈哈，食得開心，無失禮，今餐有喜出望外蔥油雞加長輩滿意沙巴龍躉，都算係超額完成。
張貼
