更多
2017-01-02
1857 瀏覽
舊有嘅陶園酒家前幾日去發現唔見咗，就改去第二間飲，今日有一個同事邀請我哋去飲茶，就叫我地喺東廣場嘅陶園酒家飲，我都係嗰陣時先知，原來搬咗去東廣場。要經過兩條自動扶手電梯先至可以到，我去到嘅時候剛好係1:15左右，門口已經有好多人喺度等緊位。幸好同事一早攞位，佢就大概一點鐘來到，九個人，大概等左2分鐘為就入到啦。呢度嘅裝修比起舊嗰度金碧輝煌，而且大廳四四方方，上面仲有一排好靚嘅水晶燈，一坐落去嘅感覺話俾我聽，呢度好適合擺酒。但坐耐咗個感覺係呢個樓底偏低咗少少。叉燒--個叉燒個整出來已經好靚，而且肥瘦剛好，食落去上面有陣蜜糖嘅甜味，仲有燒烤嘅香氣，鹹味剛好，好味。鮑汁鳳爪--不過不失，味道剛好。鳳爪炆到好淋，亦都好入味。涼拌秋葵--其他嘅地方做呢一味小菜都係會用川式嘅做法，會有醋，辣椒。呢度嘅秋葵反而幾特別，冰凍嘅秋葵加上日式嘅Wasabi加豉油，涼爽得來有點刺激。灌湯餃--呢度嘅灌湯餃反而冇咁好食，雖然裝出嚟嘅碗幾靚仔下，但係啲料就唔係好足，食落去淨係感覺到有蟹柳同埋一啲魚肚，湯嘅味道就偏淡。皮亦偏厚同太粉，唔係咁好食。其他蒸點屬正常，沒有特別好吃或不好吃的。整體嚟講都比之前嗰間好，但唯
要經過兩條自動扶手電梯先至可以到，我去到嘅時候剛好係1:15左右，門口已經有好多人喺度等緊位。幸好同事一早攞位，佢就大概一點鐘來到，九個人，大概等左2分鐘為就入到啦。
呢度嘅裝修比起舊嗰度金碧輝煌，而且大廳四四方方，上面仲有一排好靚嘅水晶燈，一坐落去嘅感覺話俾我聽，呢度好適合擺酒。但坐耐咗個感覺係呢個樓底偏低咗少少。
叉燒--個叉燒個整出來已經好靚，而且肥瘦剛好，食落去上面有陣蜜糖嘅甜味，仲有燒烤嘅香氣，鹹味剛好，好味。
鮑汁鳳爪--不過不失，味道剛好。鳳爪炆到好淋，亦都好入味。
涼拌秋葵--其他嘅地方做呢一味小菜都係會用川式嘅做法，會有醋，辣椒。呢度嘅秋葵反而幾特別，冰凍嘅秋葵加上日式嘅Wasabi加豉油，涼爽得來有點刺激。
灌湯餃--呢度嘅灌湯餃反而冇咁好食，雖然裝出嚟嘅碗幾靚仔下，但係啲料就唔係好足，食落去淨係感覺到有蟹柳同埋一啲魚肚，湯嘅味道就偏淡。皮亦偏厚同太粉，唔係咁好食。
其他蒸點屬正常，沒有特別好吃或不好吃的。整體嚟講都比之前嗰間好，但唯獨人手唔係太夠，要等耐d。
張貼
