更多
2019-11-20
352 瀏覽
下午時間,作為一個香港人,食返碗地道粉麵最舒服!好耐冇飲杏仁霜,今次點返杯杏仁霜先!都幾濃幾香,唔錯唔錯!我鍾意食雲吞,又想食牛丸,最後揀咗雙拼牛丸加雲吞河!有成四粒雲吞,正呀喂!啲雲吞好鬼死足料,咬落淡淡蝦肉,爽口彈牙!牛丸嘅味道都唔錯,彈牙就梗㗎啦,估唔到仲爆曬汁!河粉都夠晒滑,整體都非常唔錯!加多$10仲有碟菜芯,都幾大碟,抵食的!由於個雲吞真係好正,發現原來可以買走,所以臨走時決定買盒返屋企自己煮嘆!!店內個環境都唔錯,鋪仔細細但好舒適,下次再嚟過!
張貼