更多
2017-11-28
448 瀏覽
話說星期六囡囡爸爸要番工,工人姐姐放假,得番我一個湊女直到佢番學前班, 忙到正常的午餐都唔得閒食..終於放學時間到了! 爸爸黎幫手,我先可以係學校樓下的東廣場度搵番間小店食番餐好既!辛苦左成日,梗係要飲番杯珍珠奶茶補數啦! 由於爸爸都係放工趕過黎,佢都未食飯,所以我地揀左呢間小店~因為除左珍珠奶茶,仲有小食餐!老闆好nice! 知我想飲茶味香濃的珍珠奶茶,所以推介我飲雲浮鐵觀音加珍珠, 再配一份費城芝士牛肉包。 圓圓爸爸就要熱既宇治金時(即抺茶紅豆) 配香辣熱狗餐!因為真係好肚餓, 我再嗌多個小食: 台灣濃香腸同墨魚汁香腸!因為小店經營,無論沖珍珠奶茶定準備小食,都係老闆一個人負責! 但唔洗等好耐小食已經黎左了!先黎個小吃,熱辣辣,脆卜卜的台灣濃香腸, 蒜香味濃夠晒惹味~ 墨魚汁香腸同樣地咁好味,佢味道比濃香腸低調,有淡淡的墨魚汁的鹹香味~! 可以encore!跟住我同圓圓爸爸Share個費城芝士牛肉包~! 面包鬆軟夠熱,裏面的芝士半溶再加上充滿醬汁的牛肉，夠入味，牛肉又唔會韌！好味道！圓圓爸爸的辣熱狗都唔錯，除左茄汁同芥辣，最推介之處就係佢用左辣香腸！ 香口又剌激😆，配番啖冰凍珍
終於放學時間到了! 爸爸黎幫手,我先可以係學校樓下的東廣場度搵番間小店食番餐好既!
辛苦左成日,梗係要飲番杯珍珠奶茶補數啦! 由於爸爸都係放工趕過黎,佢都未食飯,所以我地揀左呢間小店~因為除左珍珠奶茶,仲有小食餐!
老闆好nice! 知我想飲茶味香濃的珍珠奶茶,所以推介我飲雲浮鐵觀音加珍珠, 再配一份費城芝士牛肉包。 圓圓爸爸就要熱既宇治金時(即抺茶紅豆) 配香辣熱狗餐!
因為真係好肚餓, 我再嗌多個小食: 台灣濃香腸同墨魚汁香腸!
因為小店經營,無論沖珍珠奶茶定準備小食,都係老闆一個人負責! 但唔洗等好耐小食已經黎左了!
先黎個小吃,熱辣辣,脆卜卜的台灣濃香腸, 蒜香味濃夠晒惹味~ 墨魚汁香腸同樣地咁好味,佢味道比濃香腸低調,有淡淡的墨魚汁的鹹香味~! 可以encore!
跟住我同圓圓爸爸Share個費城芝士牛肉包~! 面包鬆軟夠熱,裏面的芝士半溶再加上充滿醬汁的牛肉，夠入味，牛肉又唔會韌！好味道！
圓圓爸爸的辣熱狗都唔錯，除左茄汁同芥辣，最推介之處就係佢用左辣香腸！ 香口又剌激😆，配番啖冰凍珍珠奶茶簡直一流！
醫完肚輪到嘆番杯飲品了，呢杯叫雲浮鐵觀音，上面係用車打芝士打成的奶泡，呢個杯的設計方便摺起打開呷一口雲浮，再飲啖奶茶，好細心啊！ 老闆果然無介紹錯，鐵觀音茶香味濃，正是我杯茶😂
其實我都好鍾意飲綠茶🍵，所以迫圓圓爸爸俾我試飲佢杯宇治金時，打開杯蓋一看，唔😘，深綠色，顏色幾靚，用既綠茶粉應該唔錯，質地夠杰，唔會奶多茶少，茶味唔苦澀再配上紅豆蓉（正！唔係硬硬一粒一粒的紅豆），個日天氣凍飲呢杯宇治金時可以溫暖下身體，可惜呢杯係圓圓爸爸既，我唔可以飲晒😆
總括黎講，呢間珍珠奶茶小店啱晒我，佢既茶真係好飲，唔似連鎖店的咁假，雖然座位唔多，但多數人都買外賣，所以都可以靜靜地趁BB訓覺坐低小休一下！
張貼
