更多
2017-11-28
1799 瀏覽
突然心血來潮想清清地食齋，🔍到官塘工廠區附近呢間素菜店評價不錯又近我放工過去，所以我同條佬一致決定食呢間！大概六點半已經到左，可能時間尚早，店內未算太多人，環境優雅寧靜，感覺份外舒服～我地選擇晚市二人套餐$388，菜式新派又可以自由配搭，相當豐富頭盤 - 黑松露粉絲蒸扇貝，唐揚炸雞 養生·湯 - 黃耳松茸燉湯 ，紅燒竹笙燴素翅主菜 - 蘆筍苗山藥炒竹笙，健康核桃香椿炒飯甜品 - 紅豆沙飲品 - 新鮮微糖豆漿 ，話梅咸柑桔餐牌上寫住所有套餐都可以自動升級做黃耳松茸燉湯，我地當然不會錯過！材料十足之餘，味道香濃又滋補～而黑松露粉絲蒸扇貝驟眼睇真係幾可亂真，再用上貝殼型小碟特別合襯～ 原來係雞脾菇！ 果然有心思！紅燒竹笙燴素翅同樣足料，素翅晶瑩通透，爽口彈牙，連同竹笙，腐皮絲等配料一齊食口感十足，我無加醋都覺得夠味！另一個頭盤唐揚炸雞份量挺多，炸得香脆但較乾身，若有醬汁配搭就更好～一開始睇餐牌已經講定要叫蘆筍苗山藥炒竹笙炒過的蘆筍苗依然爽脆，間中會咬到薑粒，配上營養豐富的准山竹笙，清淡又健康！健康核桃香椿炒飯直接用煎Pan盛載上碟，十分新潮，飯粒炒得乾身又不油膩，口感出奇地煙韌，超級飽肚！飲
我地選擇晚市二人套餐$388，菜式新派又可以自由配搭，相當豐富
頭盤 - 黑松露粉絲蒸扇貝，唐揚炸雞
養生·湯 - 黃耳松茸燉湯 ，紅燒竹笙燴素翅
主菜 - 蘆筍苗山藥炒竹笙，健康核桃香椿炒飯
甜品 - 紅豆沙
飲品 - 新鮮微糖豆漿 ，話梅咸柑桔
餐牌上寫住所有套餐都可以自動升級做黃耳松茸燉湯，我地當然不會錯過！材料十足之餘，味道香濃又滋補～而黑松露粉絲蒸扇貝驟眼睇真係幾可亂真，再用上貝殼型小碟特別合襯～
原來係雞脾菇！ 果然有心思！
紅燒竹笙燴素翅同樣足料，素翅晶瑩通透，爽口彈牙，連同竹笙，腐皮絲等配料一齊食口感十足，我無加醋都覺得夠味！
另一個頭盤唐揚炸雞份量挺多，炸得香脆但較乾身，若有醬汁配搭就更好～
一開始睇餐牌已經講定要叫蘆筍苗山藥炒竹笙炒過的蘆筍苗依然爽脆，間中會咬到薑粒，配上營養豐富的准山竹笙，清淡又健康！
健康核桃香椿炒飯直接用煎Pan盛載上碟，十分新潮，飯粒炒得乾身又不油膩，口感出奇地煙韌，超級飽肚！
飲品正常～沒什麼特別喇，哈哈！
飯後甜品係紅豆沙，煮得香濃又杰身，啖啖都係紅豆粒粒的口感，好味喔！
呢個二人套餐真係好抵食！好滿足！
張貼
