影片
更多
2021-08-14
953 瀏覽
餐廳：哈豆 (觀塘)地址：觀塘成業街19號成業工業大廈2樓29室最近見到有好多中學生喺觀塘工業區附近派發「仲夏夜」嘅傳單，原來香港中學生聯會聯同Idiot Mart 喺8月一連3個星期五六日，喺成業工業大廈2樓搞3個唔同主題嘅市集，作為香港嘅下一代，緊係要撐吓呢班年青人啦💪行市集之前去咗成業工業大廈同一層嘅台灣餐廳哈豆食lunch，一入到去就見到大電視播緊Mirror同其下成員嘅MV😂，餐廳入面無論一家大細、少女定男士們，都時不時注視喺佢哋嘅音樂同舞蹈上🎶，Mirror嘅影響力真係好強大👻中午時間都坐滿晒啲座位，眼見店內只有一個職員，兼任收銀、樓面、廚師嘅位置，不得不佩服佢一個人應付Full House嘅能力👏，前後都喺等咗大約10分鐘就有得食，都真係算係咁啦🙀✝️台灣五寶拼盤肉燥飯 $64所謂五寶即喺台式香腸、雞翼、豆腐、貢丸同花枝丸，另外仲有半隻滷蛋同油麥菜，當然唔少得喺飯上面嘅滷肉同埋秘製嘅台式菜甫🇹🇼，另外喺餸上面仲淋咗少少黑椒汁，食落就更加惹味。我最鍾意嘅係佢嘅台式香腸，咬落有甜蜜蜜嘅蜜糖香🍯，真係想食多幾條🤤✝️鮮奶綠茶 (跟套餐+$8)跟餐叫咗杯鮮奶綠茶🍵，可以自由選擇甜度同
地址：觀塘成業街19號成業工業大廈2樓29室
最近見到有好多中學生喺觀塘工業區附近派發「仲夏夜」嘅傳單，原來香港中學生聯會聯同Idiot Mart 喺8月一連3個星期五六日，喺成業工業大廈2樓搞3個唔同主題嘅市集，作為香港嘅下一代，緊係要撐吓呢班年青人啦💪
行市集之前去咗成業工業大廈同一層嘅台灣餐廳哈豆食lunch，
一入到去就見到大電視播緊Mirror同其下成員嘅MV😂，餐廳入面無論一家大細、少女定男士們，都時不時注視喺佢哋嘅音樂同舞蹈上🎶，Mirror嘅影響力真係好強大👻中午時間都坐滿晒啲座位，眼見店內只有一個職員，兼任收銀、樓面、廚師嘅位置，不得不佩服佢一個人應付Full House嘅能力👏，前後都喺等咗大約10分鐘就有得食，都真係算係咁啦🙀
✝️台灣五寶拼盤肉燥飯 $64
所謂五寶即喺台式香腸、雞翼、豆腐、貢丸同花枝丸，另外仲有半隻滷蛋同油麥菜，當然唔少得喺飯上面嘅滷肉同埋秘製嘅台式菜甫🇹🇼，
另外喺餸上面仲淋咗少少黑椒汁，食落就更加惹味。我最鍾意嘅係佢嘅台式香腸，咬落有甜蜜蜜嘅蜜糖香🍯，真係想食多幾條🤤
✝️鮮奶綠茶 (跟套餐+$8)
跟餐叫咗杯鮮奶綠茶🍵，可以自由選擇甜度同冰嘅份量，我就揀咗半糖去冰🧊，以鮮奶香為主🥛，淡淡嘅綠茶味混和喺當中，不過不失
張貼
