.
#旋風滑蛋丼 系列喺呢度嘅招牌菜😚，成日畀人打卡📸放上IG。今次嚟到阿叔當然唔執輸，叫咗 #旋風滑蛋炭雞丼 ($98)，點解叫旋風滑蛋🌪🥚？睇相都唔使阿叔解釋啦，非常吸睛👀嘅賣相，嫩滑嘅雞蛋扭成螺旋形狀，面頭灑上蔥花、芝麻，底下就喺同樣鮮嫩、啖啖炭燒味嘅雞肉🐔。真正睇得又食得，旋風滑蛋堅滑，炭燒後嘅雞肉依然鮮嫩，肉汁豐富。🤤🤤🤤
.
以工廈嘅小店嚟講，呢度嘅價錢可能有啲貴😅，連埋飲品🍵起碼都要舊幾水先落到樓，不過食物質素、誠意度好高，如果喺附近返工嘅朋友，可以諗吓星期五食好啲，去體驗吓旋風滑蛋有幾滑！😆
