鳳鳴石磨腸粉 (觀塘廣場) (已結業)

星期日心血來潮突然想食腸粉😁 於是用外賣平台搵下附近邊度有腸粉食。原來觀塘有間好多人幫襯嘅腸粉鋪頭叫做「鳳鳴石磨腸粉」，喺觀塘廣場入面。第一次試食呢間名店，我叫左石磨牛肉腸粉同埋黑米豬潤腸粉。😋😋最開心嘅係可以加雞蛋、芝麻、炸蒜、麻油、芫茜同埋手工辣椒作配料添，真係唔係度度有架咋！🤩🤩🤩一打開盒嘅時候仲係熱辣辣。呢個口感同喺中式酒樓食到嘅腸粉好唔同，因為佢呢個質地比較滑身，再加上特製醬汁同配料，又香口又入味。😋😋😋 對於我黎講，食野會比較著重健唔健康，而佢呢個用黑米黎整，完全符合我嘅要求，食完唔會有罪惡感。😜👍🏻😋