菊月町

營業中

休息中

✨ 今晚試咗佢哋嘅晚市鐵板餐，揀咗美國安格斯薄燒餐同埋美國安格斯厚燒餐，真係大滿足！🔥性價比超高！😍🐟 銀鱈魚 魚皮煎到脆卜卜，肉質超嫩滑，仲有少少甜味，好開胃！ 🦪廣島蠔師傅手勢好好，真係外脆內嫩，保留鮮味同時又有鐵板嘅鑊氣。🍤 原隻虎蝦 蝦肉爽口彈牙，燒得啱啱好，中間嘅醬汁好香，正！ 🥩 美國安格斯薄燒薄切但肉味濃郁，入口即溶嘅口感，入面仲包住蔥蒜，好香口惹味🤤 🍚 炒飯 炒得粒粒分明，仲有啲香蔥同蛋碎，特別一提仲有肥牛粒，好有鑊氣！ 🥬 炒雜菜 新鮮爽脆，食完咁多肉之後清清個口，balance返！ 咁當然包括埋前菜、湯仲有甜品，質素都唔錯，尤其鍾意佢嘅黑糖雪糕🍨溫馨提示：想坐吧枱，記得提早book位呀，晚市full㗎！☎️