神木日本料理 (裝修中)

轉左工嚟左觀塘返工，朋友介紹觀塘好多工廈有好野食，仲話帶我試下。神之特上刺身（6點盛）入面有三文魚，帶子，吞拿魚，火炙金目鯛，火炙左口魚，蝦🦐刺身新鮮鮮甜，火炙魚有充分嘅魚油，勁香，正，值得一叫👍牛肉他他好有特色既他他，入邊有半生熟嘅牛肉，洋蔥同埋金黃色嘅雞蛋黃，配上秘製醬汁，愛好牛牛既我，非常鍾意。雞五味盛店員介紹裏面有雞肝，雞心，雞翼，雞頸，雞軟骨，肉類有先調味再燒烤，燒至金黃色。鍋燒烏冬最後叫返個飽肚嘅日式烏冬，入邊有一隻炸蝦，有茹類，蘿蔔等等配菜，烏冬有咬口，湯底清甜，食完即刻暖笠笠。藍柑乳酸梳打/草莓乳酸梳打朋友叫咗哩個藍柑乳酸梳打，而我就叫咗草莓乳酸，顏色幾靚，飲品偏甜，帶有果肉同乳酸味。