餐廳裝修簡單，以簡約為主，冇乜花巧，但空間尚算充足，坐得幾舒服。
1
美國牛板腱冷烏冬
整份定食本身跟飯，+$10轉烏冬，有溫泉蛋，少許沙律，跟飲品或加錢配小食。
牛板腱薄切，份量足，因為連住筋位有趙口之餘又唔會韌，燒到有少許窿邊，少少焦香，掛上醬汁啱啱好。
慢煮雞胸冷烏冬
健康減肥人士之選，慢煮雞胸一啲脂肪都冇，好嫩滑，蛋白質豐富，清清地，烏冬彈牙爽口。
跟餐小食
椒鹽雞翼兩隻
新鮮即燒，上枱熱辣辣，味道可以，但係略嫌雞翼size比較細隻。
燒三文鱼骨
呢個份量比較多，雖然三文魚骨，但係都有啖啖肉，燒起嚟唔會太鹹，我值得推介。
總括嚟講，質素唔錯，支持工廈小店，支持本地消費。
7
3
10
12
