巧得鍋 (已結業)

觀塘嘅工廈越來越多好嘢食，今日又搵到好餐廳推介啦。餐廳嘅位置都算幾易搵，環境裝修得唔錯，座位都幾闊落，其實坐得舒服啲，食得都會開心啲架，喱一點好值得加分。-叫咗個潮州沙嗲喎，以為會係普通嘅清湯加上沙嗲醬咁簡單啦，原來唔止架，入邊仲有大量芽菜、娃娃菜同埋豆腐，食落都幾香口，唔算太濃味同埋太油膩。-打邊爐仲有刺身送-安格斯牛肩胛，感覺都幾新鮮，油脂分布唔錯，入口都幾嫩滑架，而且價錢唔貴，性價比都幾高。-另外仲叫咗芝士腸、炸魚皮、午餐肉、娃娃菜、潮州魚蛋等等，整體價錢都幾抵食，而且份量都幾多。