漁吉海鮮丼專門店

營業中

休息中

觀塘真係有好多好野食，前幾日放lunch就去咗呢間良心小店食，佢主打刺身丼飯、便當同日式小食。漁吉特選丼 $188呢個漁吉特選丼有齊磯煮鮑魚、三文魚腩、油甘魚、劍魚腩、火炙帆立貝、火炙左口魚邊、赤蝦、三文魚籽、櫻花魷魚等等。每款刺身都好厚切大件，最鍾意佢嘅油甘魚同牡丹蝦，牡丹蝦好大隻，口感黏稠。 比目帆立丼 $158我就叫咗比目帆立丼，有火炙左口魚裙邊、火炙帆立貝同三文魚籽。灸燒過嘅左口魚邊逼晒啲油出黎，啖啖魚油，撈埋三文魚籽食一流。火炙帆立貝都好鮮嫩，自家製玉子都幾嫩滑，推介。