大公館

營業中

休息中

大公館開業初期，的確是一位難求，要付錢入會又令人卻步，不過近年變得更親民，廳房座位多了，但依然坐滿客人，看來總有一班支持者。話梅鐵棍准山刻意切成細粒，方便大家進食，淮山醃得夠入味，甜酸爽的口感真好。清香柚子凍鮑魚一口過的前菜，以乾冰營造出仙氣縈繞的視覺效果，鮑魚柔韌入味，置底的柚子肉伴隨清香的氣味，作為前菜幾合宜。川味口水竹絲雞竹絲雞以以果凍手法處理，賣相不俗，可能要遷就大眾口味，辣度是比較輕盈，不過都惹味。家鄉生拆魚茸羹魚茸刴得細碎，其他配料例如木耳、甘筍及筍絲都能盡見刀功，而湯底鮮甜，下點薄脆及胡椒粉來提鮮，味道更可口。三色藜麥金沙蝦球入口時仍覺熱燙，而且油份瀝得清，感覺不錯，但炸漿似乎偏厚，能夠薄些少會更好。脆米蒜香雞雞肉的確嫩滑，入味之餘，雞味亦夠，雞皮色澤金黃，非常討好，雞皮本身已微脆，灑上脆米更有脆卜卜的口感。豆漿杞子鮮黑腐竹浸時蔬感覺上有點似奶油津白，如果娃娃菜能再切細條一點會更易入味。金瑤櫻花蝦蛋白炒飯單尾是炒飯，食落都幾乾身，櫻花蝦及瑤柱絲炸過，所以都有酥脆的口感。清心柚子糕甜度啱啱好，亦有柚子的清香。