影片
更多
2020-08-30
73 瀏覽
好多中菜館都係油、辣、咸為主，令人卻步。香口好食唔一定要重口味，咁先可以有常客回頭。唔係大排檔式，但有小菜館既多樣化，又有照顧家庭常光顧既特色：養生為主，食材味道行先，不為服務相機先食既外觀精品小菜，連裝潢都以實務做招徠，直接親切。如果來光顧，6人以上會較易試多幾款菜式。燉湯品選項吸引，真材實料，配搭得宜，份量無騙。因為點影都唔覺得好吸引，反而可能會影得唔好令人卻步，呢篇就唔上載相片啦。因為老人家自小講客家話，慶祝生日不時都會搵下香港有邊家客家菜可以解下佢既情意結。係咪正宗客家菜我就無資格評論。我哋都係在傳媒得知客家菜有咩特色。客家人本來係來自不同地方既移居民族，集散華南各地，各自習俗有差異，何況家中小菜？從前有幾多戶有錢人家可以買到肉食煮得一頓湯飯菜肉俱備既盛宴？先輩都係以重鹽重味備菜，以補充因勞動欠缺既鹽份，同時令食材可以保存更久。係今日著重健康飲食既現代化社會，何謂正宗大概再唔係重點吧！「客家」，有「客」同「家」兩種元素。香港無幾家酒樓打客家菜為本既菜式，集團為左經營用料不時呢度減d成本，果度加多啲味精，咪同屋村酒樓一樣，食到既係商業味既客家賣點情意結，食唔到既係家庭聚會既真摰。
唔係大排檔式，但有小菜館既多樣化，又有照顧家庭常光顧既特色：養生為主，食材味道行先，不為服務相機先食既外觀精品小菜，連裝潢都以實務做招徠，直接親切。
如果來光顧，6人以上會較易試多幾款菜式。燉湯品選項吸引，真材實料，配搭得宜，份量無騙。
因為點影都唔覺得好吸引，反而可能會影得唔好令人卻步，呢篇就唔上載相片啦。
因為老人家自小講客家話，慶祝生日不時都會搵下香港有邊家客家菜可以解下佢既情意結。
係咪正宗客家菜我就無資格評論。我哋都係在傳媒得知客家菜有咩特色。
客家人本來係來自不同地方既移居民族，集散華南各地，各自習俗有差異，何況家中小菜？從前有幾多戶有錢人家可以買到肉食煮得一頓湯飯菜肉俱備既盛宴？先輩都係以重鹽重味備菜，以補充因勞動欠缺既鹽份，同時令食材可以保存更久。係今日著重健康飲食既現代化社會，何謂正宗大概再唔係重點吧！
「客家」，有「客」同「家」兩種元素。
香港無幾家酒樓打客家菜為本既菜式，集團為左經營用料不時呢度減d成本，果度加多啲味精，咪同屋村酒樓一樣，食到既係商業味既客家賣點情意結，食唔到既係家庭聚會既真摰。
客：樓面同經理都笑容有恭，親切友善，唔係當你阻佢做下轉生意，要比多啲小費先肯做野既，待「客」至善，值得再多來聚餐。
家：有個地方，可以舒舒服服同屋企人傾下計，令人有在「家」用飯的自在，又唔使為煮食煩惱，可以同家人享受共聚時光。
咁呢度就正正發揮到「客」同「家」既精髓。
雖然老人家身體唔太好，不過我地都叫左佢想食既菜：
梅菜扣肉 - 經典客家菜式。上到出來我地都幾放心比老人家過口癮：唔油唔咸，梅菜調味恰好，微酸，質爽，因為已切碎，無咩牙老人家都食到。扣肉肥同肉比例均稱，汁入味又不搶肉鮮味，肉不太林有嚼頭，比起曾係酒店或高級餐廳食既小菜更出色。
客家釀豆腐 - 豆腐質感堅挺，豆味重，同調味出色既釀肉配映成趣。不過，如果要同現祟山既客家菜館同一味菜分高下，就只能說各有各好。
正如前述，煲燉湯皆足料，唔係以咪精補味敷衍客人了事，期待下次多試幾款。
張貼