Table

好多時經過見到都會有人排吓隊咁，咁今日就諗住試吓。檸茶同咖啡一上枱，檸茶有一片乾檸檬，諗住會濃味啲或者香啲有層次感，不過原來無。咖啡就啡奶水分離，真心好難做到，不過佢做到，同某隻即冲咖啡差唔多味。
匈牙利牛肉飯入面唔係牛肉係牛腩，看似淋但其實韌，味濃。
黑毛豬東京黑蒜豬骨讚岐烏冬+鹿兒島黑豚餃子，味濃，重油，豚肉同某網上平台賣$20一包300g一樣質素，餃子係油揚豆腐一開三，釀咗肉碎入去再炸，第1啖同第3啖都係油，因為油揚豆腐本身係炸嘢，再吸油再炸，所以好油。
黑松露牛肝菌雞油菇芝士意大利雲吞，應該係呢餐入面最好食，雖然食完唔飽，但係質素比起其他兩樣明顯好。
整體來講，好多人都鍾意食濃味嘢，所以應該一路都會好好生意。不過杯回魂啡唔得就真心無回頭，本身見到有 Irish Coffee 想試，見到個價錢好彩無叫，試完杯啡唔得仲點會課金比杯貴啡。

匈牙利牛肉飯

$88

黑毛豬東京黑蒜豬骨讚岐烏冬

$78

鹿兒島黑豚餃子

黑松露牛肝菌雞油菇芝士雲吞

$88

1