影片
更多
2020-12-02
268 瀏覽
見到朋友推薦哩間店，所以就去試下。因為正直係晚飯時間，已經排左好多人係外面，我同朋友一齊黎食，人數比較多所以等左大約45分鐘先入到去。餐廳既擺設有好多公仔模型，另一面牆上就係一幅畫。餐具係獨立包裝即棄筷子同膠匙羹，用透明筷子盒冚住，比人覺得會安心。而且每張枱面上都有搓手液提供比客人。價錢方面大眾化，約20蚊至80蚊左右。既然係招牌係賣海南雞飯就叫左一份招牌既海南雞飯，飯可以選揀油飯同白飯，我就揀左油飯，再加左一杯凍檸茶。過左一陣，有一位比較年輕既女店員拎住碟飯行埋黎放底乜都冇講就走開左，大家雖然都係叫雞飯，但都有唔同款式既，唔知哩碟飯係邊位叫，所以叫返啱啱既女店員問佢哩碟係咩，雖然佢之後都有講返，不過印象分真係跌左……😐我叫既海南雞飯份量正常，上面有排好既雞肉及椰菜，但係啲椰菜係幾乎全生……😐睇落去好似將啲菜放入滾水度煮左1秒就扲上黎咁，我食左一塊已經唔想食……跟住我試左一啖飯，哇……我係叫油飯，食落去好似煮到乾唒既飯焦一樣，夾起來仲要係痴埋一舊……😐好啦，試埋啲雞先啦，好彩啲雞都叫好啲，食落嫩滑叫做有雞肉味，不過味道太淡🤦♀️反而個碟仔點雞食既雞汁個味道都唔錯，鹹鹹酸酸，仲有薑蓉同少
因為正直係晚飯時間，
已經排左好多人係外面，我同朋友一齊黎食，
人數比較多所以等左大約45分鐘先入到去。
餐廳既擺設有好多公仔模型，
另一面牆上就係一幅畫。
餐具係獨立包裝即棄筷子同膠匙羹，
用透明筷子盒冚住，比人覺得會安心。
而且每張枱面上都有搓手液提供比客人。
價錢方面大眾化，約20蚊至80蚊左右。
既然係招牌係賣海南雞飯就叫左一份招牌既海南雞飯，飯可以選揀油飯同白飯，我就揀左油飯，再加左一杯凍檸茶。
過左一陣，有一位比較年輕既女店員拎住碟飯行埋黎放底乜都冇講就走開左，大家雖然都係叫雞飯，
但都有唔同款式既，唔知哩碟飯係邊位叫，所以叫返啱啱既女店員問佢哩碟係咩，雖然佢之後都有講返，不過印象分真係跌左……😐
我叫既海南雞飯份量正常，上面有排好既雞肉及椰菜，但係啲椰菜係幾乎全生……😐
睇落去好似將啲菜放入滾水度煮左1秒就扲上黎咁，我食左一塊已經唔想食……
跟住我試左一啖飯，哇……我係叫油飯，
食落去好似煮到乾唒既飯焦一樣，
夾起來仲要係痴埋一舊……😐
好啦，試埋啲雞先啦，好彩啲雞都叫好啲，
食落嫩滑叫做有雞肉味，不過味道太淡🤦♀️
反而個碟仔點雞食既雞汁個味道都唔錯，
鹹鹹酸酸，仲有薑蓉同少少辣椒係入面，
因為唔想浪費左啲飯，
我就用哩個汁倒落啲飯度一齊食。
最後係杯凍檸茶，因為有朋友都係叫凍檸茶不過係叫少冰，唔知係咪水吧太忙所以兩杯都少冰，
飲落去杯野係微温，微苦澀冇茶味冇甜味，完全飲唔出哩杯係咩黎，一般凍檸茶除左比飲管都會跟埋長羹比你篤檸檬吧？個杯野只有飲管……
結果我係用筷子篤……😐
等左45分鐘，入到店枱面好似只係收拾左餐具感覺上冇抹枱咁，睇落油立立咁，仲要之前枱客用過既紙留係枱面……
真係不得了既用餐體驗😐😐💧💧
張貼
