小豆島日本料理

初嘗小豆島，午市主體賣烏冬 丼料理，拉麵只有3款，平均售價60+。

點了個芝士炸雞拉麵(附加州卷2件)+凍檸茶(少冰)
加州卷: 好快上, 食落一般。
凍檸茶(少冰): 檸檬基本唔酸，茶底無味如水，然後廚房冇落糖漿變少冰走甜。不排除落錯枱🤣。
芝士炸雞拉麵: 點餐時以為係 芝士炸雞•拉麵, 原來係 芝士•炸雞•拉麵。落到枱, 芝士已同湯底溶為一體, 炸雞已經淋哂, 半隻熟蛋冰涼入口, 麵入口淋可惜冇期待的味噌湯味入麵, 湯底已被芝士味全蓋,冇任何期待的味噌鹹味。個人理解, 拉麵會淋但唔入味通常都係因為水煮完繼續放係滾水沉瓜佢。

結論: 呢個消費額冇享受到日本料理，可能因為做開屋邨生意，品質冇監督。