老虎堂黑糖專売 (渣甸街)

今日午飯後剛巧經過銅鑼灣，心血來潮想飲杯珍珠奶，於是走去渣甸街睇睇，平日大排長龍嘅老虎堂，可能因為已經兩點幾，個個都趕住返公司，見到唔算好多人，即刻走去龍尾排隊先，但係等等吓都排咗半個鐘。

我叫咗杯黑糖波霸系列嘅波霸厚鮮奶(含奶霜)。

波霸厚鮮奶(含奶霜)

$30

嘩！果然係人氣店，出品果然有返咁上下，入口幼滑、奶味香濃、甜度適中，啲珍珠煙韌又彈牙，總之就係口感豐富、滑溜，在港飲過眾多珍珠奶，暫時都係覺得老虎堂最好飲，不枉我排咗咁耐隊先買得到，真係要慢慢好好品嚐先得！