燒味工房(小廚) (已結業)

今日中午想食燒味飯，一行三人去燒味工房，門口大概有兩至三檯食客等緊位，唔會派飛俾你等，老闆憑記憶叫入座，當然等位環境近馬路，熙來攘往，一片混亂，總之先後次序是隨心的，總之有位就求其安排坐滿就算，等左15分鐘左右，就安排我地入座，但原來係分開2個搭落一張（已坐左2個客）四人檯，另一個要搭落隔離一張（已坐左3個客）四人檯，分隔兩檯坐，我地就同老闆講如果陣間有位就安排我地團聚啦，結果老闆望了我們一下，自然自語地細細聲說：「有得俾你坐已經好好啦！」佢以為我地聽唔到，但我地當然是耳朵健全的，一致決定去第二間，原來而家做飲食係咁唔憂做既！