WM Café & Bar (雅濤居購物商場)

營業中

休息中

之前都知道WM Cafe & Bar d野食吾錯，今次去馬鞍山又記得雅濤居附近有分店，所以去食晚餐。今次主菜order左烤石班魚柳配芥末籽燒汁、龍蝦汁海蝦蟹肉意粉，小食有意式炸雞翼，另叫左兒童餐set A，飲品有蘋果汁同埋忌廉士多啤梨雪糕梳打，餐湯揀左龍蝦湯。烤石班魚柳夠香口，石班魚夠鮮，芥末籽燒汁甜甜酸酸夠晒開胃，配菜好fresh，薯蓉夠晒creamy容易可口。龍蝦汁海蝦蟹肉意粉布滿濃濃龍蝦香，蝦就既大隻又彈牙，蟹肉超鮮味，絕對可以帶出意粉味道層次。意式炸雞翼皮脆肉嫰，大小朋友都喜歡。兒童餐set A包括炸薯條、炸魚手指、肉醬意粉、茄蓉肉丸、迷你蛋糕、鮮果粒，每樣食物都放喺精美嘅車仔托盤上，好吸引小朋友。忌廉士多一啤梨雪糕梳打有2大雪糕球加cream，打卡一流。值得一提，依度清潔衛生做得好好，見店員不停留意枱櫈有否不整潔，如有需要店員亦提供餐紙俾客人。