209
43
3
等級4
126
6
小編響西貢雖然都試過唔少咖啡店,但如果響遊客眼中響西貢最知名既咖啡店,Little Cove Espresso絕對係響三甲之內! 除左本身地理位置及裝修都有濃烈咖啡店氣息外,食物質素都絕對係名列前茅! 趁同朋友入黎西貢之際,當然要搵機會去睇下有冇可能等到位啦。可能仲係12點左右既時間,所以等候既枱數都係6-7張,只需20分鐘左右就可以入座,難得! (因為每次想做都會被超過30分鐘,以及長長既等候人龍所嚇怕)開頭被全英文既菜單所嚇怕而不斷從Openrice睇下其他食家既解說,但好在店員好快留意到我地既困難而默默送上中文版既餐單。 小編與朋友們決定將自己想食既菜單先點1次,然後再睇下會唔會再加野食。1) Middle Eastern Lamb ($125):顧名思義就係來自中東既羊肉。不過當大家以為係一般既羊扒類菜式個陣,Little Cove將羊肉撕開以便製成無骨既版本,然後再加入大量既椰菜花﹑羽衣甘藍﹑以及南瓜蓉,令整個菜式頓時變得好健康。平時煮過既椰菜花好多時都會不斷出水,但Little Cove整出黎響無燒過既情況下又幾爽口,配合南瓜蓉一齊食好滿足。亦因為羊肉相對唔係最主要既賣點,
更多
小編響西貢雖然都試過唔少咖啡店,但如果響遊客眼中響西貢最知名既咖啡店,Little Cove Espresso絕對係響三甲之內! 除左本身地理位置及裝修都有濃烈咖啡店氣息外,食物質素都絕對係名列前茅! 趁同朋友入黎西貢之際,當然要搵機會去睇下有冇可能等到位啦。
可能仲係12點左右既時間,所以等候既枱數都係6-7張,只需20分鐘左右就可以入座,難得! (因為每次想做都會被超過30分鐘,以及長長既等候人龍所嚇怕)
開頭被全英文既菜單所嚇怕而不斷從Openrice睇下其他食家既解說,但好在店員好快留意到我地既困難而默默送上中文版既餐單。 小編與朋友們決定將自己想食既菜單先點1次,然後再睇下會唔會再加野食。

1) Middle Eastern Lamb ($125):顧名思義就係來自中東既羊肉。不過當大家以為係一般既羊扒類菜式個陣,Little Cove將羊肉撕開以便製成無骨既版本,然後再加入大量既椰菜花﹑羽衣甘藍﹑以及南瓜蓉,令整個菜式頓時變得好健康。平時煮過既椰菜花好多時都會不斷出水,但Little Cove整出黎響無燒過既情況下又幾爽口,配合南瓜蓉一齊食好滿足。亦因為羊肉相對唔係最主要既賣點,肉既份量唔算多,所以對男仔黎講要留意。
Middle Eastern Lamb
$125
30 瀏覽
0 讚好
0 留言
2) Breakfast Bowl ($120):大家或者都留意到,Little Cove既早餐同一般既全日早餐有少少唔同,佢地似乎都係以健康為主,所以將平時早餐所見到既豬肉腸或煙肉抽起而放入牛油果。當你擔心會唔夠飽個陣,佢地就利用蕃薯條去代替麵包,以提供足夠既碳水化合物。值得一讚就係牛油果用上最淋身既部分;而車厘茄係煮過既版本,所以唔會有太生既腥味,響小編既角度值得推介!
Breakfast Bowl
$120
12 瀏覽
0 讚好
0 留言

3) Smoked Salmon on Sourdougn Rye ($102):份量唔多既煙三文魚配黑麥麵包,簡單既擺放就造成哈哈笑既圖案,好得意! 當煙三文魚配上火箭菜及乳酪芝士個陣,原本煙三文魚既魚油而產生既油膩感會無哂,同時酸酸既味道會令你會忍唔到口去食! 如果胃口細既朋友,絕對值得試下。
Smoked Salmon on Sourdougn Rye
$102
13 瀏覽
1 讚好
0 留言
4) Beef Ragu Papardelle ($120):牛肩肉闊條麵,相信係朋友們之間所點選菜色中最具份量既。鋪上碎芝士既闊條麵,味道唔算太濃,但牛肩肉片既肉味仲係非常充足;雖然闊條麵對好多人眼中未必食得方便,但小編覺得逐條逐條沾滿醬汁去食之下,感覺還好。
Beef Ragu Papardelle
$120
15 瀏覽
1 讚好
0 留言

食完正餐後,大家都發覺仲有空間去食更多,所以我地都決定點選Openrice各食家都推薦既French Toast,睇下究竟大家點解咁鍾意先!
5) French Toast ($94):如果作為甜品去品嚐既話,小編就覺得4個人食,每人半份就剛剛好! 新鮮製作既多士上鋪滿玉桂﹑開心果碎及玫瑰,淨係色彩已經非常豐富。配合蜂蜜既甜味,食落去外脆內軟! 怪不得會成為大家推薦之選。
French Toast
$94
11 瀏覽
0 讚好
0 留言

最後,作為咖啡店內完美既收尾,小編都叫左杯Latte ($38)試下! 未飲見到天鵝既拉花就知道咖啡師對沖咖啡既細心,而作為Latte黎講,飲完後咖啡香味仍然保留住,令小編非常響往! 
Latte
$38
20 瀏覽
1 讚好
0 留言


滿足完呢餐後,小編就明白點解呢間咖啡店會成為大家既寵兒而會咁受歡迎! French Toast - 一定要試!
題外話/補充資料: 店員會要求人齊入座,同埋為方便盡快上菜,店員都會貼心響接近有位前提早為大家預先抄錄想點既菜式。
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2021-10-19
等候時間
20 分鐘 (堂食)
人均消費
$190 (午餐)
推介美食
  • Breakfast Bowl
  • Smoked Salmon on Sourdougn Rye
  • French Toast