影片
更多
2019-07-25
407 瀏覽
放左工六點幾嚟到，全場已經半滿，好多枱都係一家人嚟食晚餐。原來呢到除左點心都仲有好多小炒，有啲似茶餐廳，仲有好多海鮮啊個啲，套餐仲幾抵。不過一心嚟食點心，點都要過左口癮先，下次先試小菜。呢到嘅侍應都好有禮貌，熱心，不時睇下我地有咩需要，令到我地都食得好開心。可能因為係小店，個侍應仲無啦啦請我地飲湯，覺得好有人情味。特色麻辣燒賣 $39好少點心店會有麻辣燒賣㗎，調味啱啱好，唔會好辣，主要係麻，夠香。燒賣口感中規中矩，但整體好食。金沙熊貓 $35打卡必點，仲好流心，佢地呢到流沙包個配方同平時岀面食開有啲唔同，有少少酸酸甜甜，特別得嚟好食，又冇咁容易漏，我相信我一個人可以清哂一籠，哈哈杏香荔茸鴨 $38又一個打卡之選，勁得意嘅賣相。入口雖然係炸， 但係絕對唔會油淋淋。我之前冇食過呢樣，好好食呀。豉汁排骨蒸飯 $52 (配時菜加例湯)好大份，兩個人份都食唔哂，最鍾意佢哋配時菜。豉汁排骨夠入味，份量都幾多， 佢好似啲酒樓得兩舊排骨。但例湯好足料，仲有紅蘿蔔同雞腳，冇落味精，媽媽煲嘅湯呀。食到好飽一個人唔洗一百蚊，下次嚟一定要食佢晚市小菜個套餐先！
呢到嘅侍應都好有禮貌，熱心，不時睇下我地有咩需要，令到我地都食得好開心。可能因為係小店，個侍應仲無啦啦請我地飲湯，覺得好有人情味。
特色麻辣燒賣 $39
好少點心店會有麻辣燒賣㗎，調味啱啱好，唔會好辣，主要係麻，夠香。燒賣口感中規中矩，但整體好食。
金沙熊貓 $35
打卡必點，仲好流心，佢地呢到流沙包個配方同平時岀面食開有啲唔同，有少少酸酸甜甜，特別得嚟好食，又冇咁容易漏，我相信我一個人可以清哂一籠，哈哈
杏香荔茸鴨 $38
又一個打卡之選，勁得意嘅賣相。入口雖然係炸， 但係絕對唔會油淋淋。我之前冇食過呢樣，好好食呀。
豉汁排骨蒸飯 $52 (配時菜加例湯)
好大份，兩個人份都食唔哂，最鍾意佢哋配時菜。豉汁排骨夠入味，份量都幾多， 佢好似啲酒樓得兩舊排骨。
但例湯好足料，仲有紅蘿蔔同雞腳，冇落味精，媽媽煲嘅湯呀。
食到好飽一個人唔洗一百蚊，下次嚟一定要食佢晚市小菜個套餐先！
張貼
