麥蛋糕

營業中

休息中

流心芝士蛋糕！好耐冇食古早味蛋糕喇！之前食過黑糖味，蛋糕口感鬆軟，感覺好原始。今次一於試下流心芝士蛋糕口味，見到有介紹芝士有拉絲效果，真係非常之吸引。因為想趁新鮮食，所以剩係買半份$38，如果有一大班人share，建議可以買一份$70比較抵食。流心芝士蛋糕(半份)$38- 蛋糕口感濕潤，充滿雞蛋香味，芝士味道鹹香，同甜甜嘅蛋糕交織配合，芝士有流心感覺，唔會硬左一舊舊，口感幾好。如果用微波爐翻熱，流心效果應該會更加突出。整體蛋糕唔錯，定價偏高，可以一試芝士口味，比較特別。