不籽是咖啡 (藝里坊・1號)

營業中

休息中

呢間係油麻地嘅文青人氣咖啡店《不籽是咖啡》嘅新分店，佢哋嘅新分店位於港島嘅西營盤，方便我哋呢啲港島人得閒去飲返杯咖啡。裝修風格沿用返油麻地店嘅簡約木系，而呢度空間感更大，亦有落地玻璃同室外座位，可以好舒服咁坐喺度慢慢飲野傾計食下野。龍蝦湯配牛油果大蝦稻庭烏冬：呢款大熱菜式當然點都要試，烏冬用木碗盛載，而入面用料豐富，包括有彈牙嘅稻庭烏冬，爽口鮮甜嘅大蝦，清新綿滑嘅牛油果等。而熱辣辣嘅濃郁龍蝦湯就另外用個壺盛載，可以自行倒入烏冬，用嚟打卡影相一流。乾炒大蝦蒜香意粉：上檯都經已聞到蒜香嘅味道，意粉炒得夠哂乾身，好有鑊氣，而加埋彈牙爽口嘅大蝦，更能增添意粉嘅鮮味同口感。