埠 (已結業)

今晚去西灣河食飯，行過呢間喺碼頭旁嘅餐廳都好多次，今日就入去試試。都幾多人，好彩仲有 last 一張檯，唔洗等位。脆脆野菜沙律首先食d開胃小食，呢個沙律好特別，上面有d脆脆應該係藜麥，有口感，味道都幾好。帶子雞翼燒雞翼食得多，見到有帶子雞翼，本來以為係帶子加雞翼，點知係帶子釀左喺雞翼入面燒，真係好特別。 雞翼燒得很香，帶子都滲了點肉汁味，原雞味同帶子味都幾夾。燒秋葵、青椒仔、大磨菇秋葵爽口多汁，內裡都燒乾，沒有太滑潺的感覺。簡單鹽燒，只要食材新鮮，已經帶出食物鮮味。青椒仔都好細條，燒香後嫩口爽脆，帶小小辣。蘑菇切粒燒，燒汁滲透，很滋味。燒京都絹豆腐之前見人話係必食推介，上檯時候都覺得賣相一般，誰不知入口外脆內軟，口感十足，加上表面的燒汁，更香口惹味。松葉蟹肉鍋燒烏冬最後當然要揀d飽肚野，蟹肉大大條，肉質嫩滑鮮甜，野菜加烏冬大大一鍋，烏冬滑嘟嘟，湯底味道清點帶點鮮，石鍋又燒得熱喇喇👍🏻 食d 殿粉質令呢餐飯更圓滿。