西塘花記 (已結業)

餃子專門店要做得住，實力固然重要，但心思、賣相同口味都好重要，大多食店都在口味上花功夫，如咖喱薯仔羊肉口味、日式紫菜豬肉、芫茜海鮮、芝士松露豬肉、辛辣芝士豬肉等，《西塘花記》比較特別，除口味創新外、賣相都非常吸睛，吸咗我呢個手機食先嘅人仕去試。［雨花石水餃(8隻)$72］⭐️⭐️三色彩虹水餃皮係用紅莧菜火龍果汁、菠菜汁、南瓜汁製成，將整隻餃放入口，根本唔會食到餃皮有味，只食到餡料馬蹄同豬肉，可惜豬肉質感太碎變得好奇怪，而餃size同臧姑娘水餃差唔多，所以我覺得唔值呢個價［招牌五福水餃(10隻)$78］⭐️⭐️有剁椒魚水餃、番茄牛肉餃、冬菇豬肉餃、海三鮮水餃、翡翠三鮮水餃各兩隻，五款試晒都唔覺有咩特別，因為味道完全唔突出，甚至差過超市水餃，仲要所有水餃唔夠熱，所以呢個招牌不試也罷［番茄牛肉湯麵$56］⭐️⭐️⭐️牛肉用的是牛𦟌，筋相當多而且不太腍，口感太差，麵幼身彈牙掛湯，番茄湯底新鮮香濃，一碗麵份量唔算少［西塘燉牛腩飯$58］⭐️⭐️⭐️牛腩非常入味兼軟腍無黐牙，薯仔紅蘿白同樣腍同入味，汁香濃送白飯一流，不過飯有好多飯焦同埋唔係靚米［山東秘製手撕雞$48］⭐️⭐️手撕雞唔夠入味而且多骨，醬汁唔香濃，就算青瓜都