蕉積妹

營業中

休息中

西九開左蕉積妹咁大件事無人講，可以唔使去葵廣排啦，西九店仲有位坐添，正。⭐開心果醬香蕉煎餅本身諗住叫返至愛的花生醬口味，但見有近期熱話嘅開心果醬，仲係期間限定，咪試呢款先啦，比其他口味貴幾蚊的🤪檔主完全唔吝嗇，塗左好厚開心果醬，仲有勁多開心果碎，煎餅香口唔油膩，香蕉酸酸甜甜，上面仲加左煉奶，好食又邪惡，一份熱量超高，同朋友分享下先😆⭐香脆鮮奶條朋友點左炸鮮奶，佢話上次葵廣店賣晒，今日點都要試下。即叫即炸勁熱，千祈唔好一啖放入口呀😆外面好脆，內邊又香又滑，淡淡奶香勁正！⭐茉香椰椰見佢枱面有隔離茶檔餐牌，檔主話坐過黎飲無問題，又加左杯茉香椰椰，椰奶味好重，奶香好香幾好飲🤤以後香西九食野又多左甜品揀啦🤤正正正！