竹串日本料理 (已結業)

今晚又來到永光中心開餐, 今次呢間係竹串, 入到去比較暗, 卡座好有日式味道, 可惜我地去得遲, 已經俾人坐曬 叫咗幾款壽司, 分別係三文魚,四文魚同和牛壽司。 魚生算新鮮無雪味, 四文魚其實係醬油漬嘅三文魚, 味道都幾特別, 和牛壽司塊牛都幾有牛味, 薄薄一片口感唔錯。 呢個係銀鱈魚西京燒, 燒得恰到好處, 甜甜地熱辣辣又軟諗諗, 好啱凍天食。 個人幾中意呢個燒五花腩, 少脆得來 又唔會整到過硬, 配埋調味夠香口。 到呢個牛肉鍋, 基本上都係牛肉豆腐菜同雜菌果啲材料, 志在夠暖意窩心, 雖然唔特等, 但味道都係唔錯嘅。烏冬方面個湯底幾清甜, 個麵都夠煙韌。