老二花廳 (已結業)

呢間餐廳既入口真係好詭異，我都行過咗兩次，對真的個google map先肯定上黎。餐廳牆壁好多搞怪既打卡位，餐廳主要行復古路線。餐牌選擇唔多，嗌咗2個set，揀咗湯。當日係磨菇湯，幾好飲。Carbonara好食，都幾重芝士味，個溫泉蛋撈埋更creamy，幾推介。黑松露海蝦意大利飯，都有成3隻海蝦，海蝦幾爽嫩彈牙，幾新鮮。個飯唔係好重黑松露味，不過都好好食。溶岩朱古力蛋糕配雪糕同Tiramisu蛋糕Tiramisu蛋糕好一般，太實同食唔到咖啡味。溶岩朱古力蛋糕配雪糕就幾好食。熱情果紅茶，味道Ok呢杯Oreo milkshake 好邪惡，不過好好飲，重oreo味，又有奶油味，又有朱古力味，夾得好好。呢間餐廳都幾好食，不過選擇唔係太多，同埋上菜係小小慢既，仲有記住打電話book位，因為餐廳唔多位，walk in未必食到嫁。