好彩12點前黎, 呢間位於蘭桂芳附近冷巷既拉麵未有人排隊👻印象中呢個位置都做過唔同既酒吧, 呢家都變埋食肆。外牆既畫好特別🖼 應該係想用圖畫講拉麵店既故事⁉️
要入內, 除外室外既樓梯, 內堂都有一段小樓梯要你爬↗️門內係一排面對面既位置, 木做既枱櫈加埋和暖既黃燈, 仲有牆身掛畫都有文青風格。中環地段始終位置都係安放得迫迫夾夾, 坐得唔太舒服🙄
拉麵既款都唔少, 可惜最得意既雙鹽味要2點半後先有😔揀咗大特級白湯拉麵, 上枱同MENU 既相係九成九相似, 擺盤個位好有心機🤩
擺盤係好睇, 先睇湯, 湯既量唔多夠❎僅僅浸過表面, 可能賣相有關😑色澤偏暗啡, 應該麵豉佔得多。味道上, 少少鹹味中間有少許麵豉味道, 但就搵唔到豬骨清甜🤨
麵身係幼而微曲, 可以掛湯, 但湯底平凡, 再掛都無用😒
溫泉蛋🥚 同叉燒🐽 係求回分數既一欄, 蛋上枱都仲保持到流心; 三塊薄到透光既叉燒肥瘦均衡, 質地亦保持平衡, 咬口好, 反而同個麵豉湯底配得唔錯😯
餃子係驚喜一環, 平時啲餃子都係雪藏煎番熱比你😂但立體派既咬落去竟然有汁🤤個醋同辣椒醬亦有誠意, 味道唔錯👍
埋單兩條佬, 要312蚊。期間店員好「友善」咁不停睇你食完未, 要收嘢😶呢啲隱性趕枱係中環午飯時份真係無可避免💁♀️比較之下, 我覺得隔離街既豚王, 可能性價比會稍稍跑贏🤣
