唐人館 (置地廣場中庭)

營業中

休息中

一入到門口，裝修真係靚到，燈光加上鏡面，還有多個開放式包箱，空間感好強。茶壺用一個比較大嘅金屬茶壺，係有啲意思，但茶會凍得好快，水滾茶靚就冇喇！唐人館叉燒，蜜汁香而唔黐口，叉燒半肥瘦分明，有咬口而咁靭。海鮮腸粉，腸粉皮薄好滑，入面包住啲蝦同章魚等等打成膠，再用一層脆醬炸，食落就好似炸両多咗啲海鮮咁。酒糟鮮鮑魚就睇得出師傅刀工，咁齊整嘅𠝹花，鮑魚腍又彈牙。XO 醬雪花牛肉粒炒糙米飯就有啲麻麻，首先雪花牛肉粒巳經睇唔到有冇雪花先，而且牛肉粒好細粒！師傅刀工太強！再嚟就係個炒飯上到枱係煙都冇！食嘅時候係和暖！最後我叫咗個官燕楊枝甘露，燕窩我就冇乜所謂，楊枝甘露反而清甜爽口，再加上芒果同士多啤梨，畫上句號。餐廳服務員都好貼心，清枱沖茶都跟得足。