裕泰牛什越南河

裕泰呀裕泰，咁多人推介你所以特登由深水埗行落太子試下，裝修比較簡單似普通小店，價錢親民單拼32蚊雙拼加多10蚊，以宜家嘅開飯指數嚟講算係抵食，不過平還平最緊要係好食先得㗎。第一次食穩陣啲叫個牛腩腸肺河最緊要多葱，牛腩果然唔錯，甘香夠冧味道夠濃，不過如果係傳說中嘅崩沙腩可能就更加不得了，可惜一早已經售罄食唔到～下次啦，湯底有牛味帶點甘香，可以一飲到底，最後只係嫌牛腸裏面太肥太多肥膏，如果單拼只係三條二性價比算高.....🤩😊😋，下次再嚟試下佢嘅越南湯河先......😁😁

簡單小店裝修