半點心茶座 (已結業)

痴線！第一次食飯食到想講粗口！ 今日上Openrice睇下先知咁多喊臉！認真中伏！其實熟我既人一向都知我對食要求唔算高，但未熟既真係唔洗諗。細細個呀媽同電視廣告都有教食物係要煮熟先好食啦係咪？！一入店，店員已經黑哂臉，一副唔想做咁既樣。坐低，已經覺得地方唔太乾淨…算了，已經坐低左…揀左個鳳爪排骨木桶飯(配兩顆燒賣)，再加一碟時菜牛肉球。牛肉球顏色偏紅…佢寫住即叫即蒸。好…咁上菜慢都可以理解。但已經等咁耐，蒸飯內既排骨竟然可以唔熟？！睇相好似冇問題，但夾起排骨就見D血留喺飯上面，係明顯一pat鮮紅色…同店員反映，一句不好意思都沒有… 就咁拎走左入廚房，然後話轉雞飯好唔好，咁如果個雞飯係肯定熟而又即時有我地簡直係求之不得。但話轉之後又係要等？？？！ 咁你叫我轉雞飯係咩意思？ 又等完一輪，但最後都懷疑個雞飯係唔熟…又係偏紅色既肉…唉…真係唔想再曬時間打一間服務態度咁差，食物感覺唔衞生，環境唔乾淨既餐廳！一直都打開書面語，真係第一次要打黎食評黎鬧一間餐廳！但老娘今次真係忍唔住啦！！