稻香 (青衣城1) (已結業)

一家人星期日（24/11）晚飯因為三樓無位就食稻香，明知口碑麻麻，但食中式酒樓就腳青衣城冇乜得揀。坐低如常碗碟少少油，個地下黐黐立立到一個點，不能接受，坐得好唔自在。啲阿姐態度如常(大家明的)。最驚嚇係叫咗個羊腩煲，開咗爐之後慢慢有小曱甴bb因為熱，喺個爐走出嚟。同阿姐講換咗個爐之後仲驚，煲咗一陣，有隻比較大嘅成年曱甴走咗出嚟。最後，卒之冇用到個爐食煲羊腩煲。總結，OpenRice啲comment都好準確。不過，要讚嘅係個燒雞好好食，同埋收錢個阿姐好好禮貌。