串燒屋

營業中

休息中

呢間嘢搞唔掂 本身見到佢入面冇咩人以為因為唔係繁忙時間點知原來佢啲嘢食唔係好掂肉類全部都係急凍 急凍唔係最大嘅問題 問題係你未解凍啊大佬😂😂牛肉同埋豬肉食落去無論係口感定係味道都欠奉口感唔似平時食開嘅肉類 總之就係怪怪地然後根本就冇味嘅真心有啲餐廳就算冇醃製過啲肉類 啲肉類係正正常常嘅話點都會有啲肉味…然後啲餐具真心污糟 夾肉嘅夾全部都係有好多漬 抹極都仲有然後唔知點解餐盤上面夾住咗兩條唔係屬於我嘅頭髮 唔知係上一手定係廚房整到咁餐廳感覺唔太乾淨同衛生所以坐嘅時候都有啲唔舒服好似周圍都癡粒粒咁重點係個價錢真係唔平 呢個價錢我是但去一間大型啲嘅放題可以食到好多唔同類型嘅嘢食人哋嗰啲新鮮好多好食好多🥹而且相片感覺都幾昏暗 總之成個感覺就係坐喺度覺得周身唔聚財😅😅😅成間餐廳唯一優點就係香港冇咩方便懶人嘅串燒屋 呢啲可以坐喺度等食嘅餐廳的確幾吸引我不過呢間真係唔會再有下次超級超級超級唔建議