成都小巷 (已結業)

呢間新開左一陣子的川菜店終於有機會食到 佢喺九龍灣宏光樓裏面嘅巷仔呢間店主力做米線同埋魚煲雞煲價錢偏平 非常大眾化 20幾蚊就有一碗米線火鍋放題都只係百幾蚊喺張點心紙上揀左一輪揀左墨丸豆卜雲南米線米線好幼軟硬適中 BB辣辣度剛好試到有少少辣味 但唔會辣得滯食唔到啱曬唔食得辣但又鍾意食辣嘅朋友豆卜索曬d湯 一咬d湯汁就咇晒出嚟 好正呀！墨魚丸質地實得黎好彈牙配菜都唔馬虎，有酸菜、芽菜、蔥，原來重有免治豬肉。碗米線唔使$40，份量好大，食完好飽，超抵食呀！另外仲有個噴火麻辣米線 一聽就知道係極辣啦 佢個湯底係辣醬嘅橙紅色 好彩我只係點左小辣 如果唔係真係令到我味蕾失控豬軟骨好大嚿，d骨一d都唔「軟」呀，比平時果d硬，但係都食得落嘅。食米線嘅配料通常都不外乎嗰幾樣。淮山做配料就未見過啦。今次就一於試下。淮山好爽，質地有d似雪梨。呢度啱啱新開張 所以免費送一罐汽水最後特別要讚嘅係餐廳免費供應面紙比客人。好貼心呀😍。啱曬我，因為我食襯辣野都會流鼻涕。