意軒

營業中

休息中

土瓜灣內街又一誠意小店今日午餐無準備之下，搵食行過美景街，見到喱間餐廳。知道有這間小店已經開了一段時間，但一直未有機會試。今日有機會就一於試下😉先點了兩份午餐，有餐湯 及蒜蓉包。南瓜湯真材實料， 蒜蓉包 軟熟 好味。飲湯時 ，兩個小朋友見到師傅即場用心為我們製作。並非一般快餐店出品可相比！ 首先來了鮑魚汁海鮮天使麵， 第一口吃下去就覺得有驚喜，天使麵有鰻魚味，以為自己食緊鰻魚汁炒麵。 總括嚟講好味！第二度菜上卡邦尼意粉，白汁夠濃郁。 配搭磨菇及煙肉，加上食得出師傅嗰種心機。 兩位小朋友食曬都唔夠加多咗個 豬仔髀配茄汁意粉， 師傅見到有兩個小朋友，請佢哋食粟米。豬仔髀肉嫩，唔知仲以為係雞髀。 但豬味濃， 粟米香甜 、意粉蕃茄醬超好好味，小朋友一定好鍾意，下次可以再嗌。就算點餐冇叫餐飲，但店員會密密幫你斟水 ，水有淡淡嘅檸檬香味，so good。