間中都會落葵芳食晚飯, 呢間泰國菜都食過幾次, 份量足, 價錢又唔貴.
自己好鍾意食炸蝦餅, 所以係每次必點. 呢度既蝦餅炸得好香口, 外皮唔油膩. 而且蝦肉打得夠均勻, 咬落真係好彈牙, 就算熱氣都要食多兩件.
泰式炒金邊粉又係不能缺少, 金邊粉炒得夠乾爽, 味道酸酸甜甜好開胃, 蝦又好大隻.
同埋好鍾意飲佢呢度既沙冰, 天氣咁熱飲杯冰凍飲品真係好正, 唔會好甜.
呢度keep住都會有附近街坊黎食飯, 黃金時間可能要等一陣, 但係都好快有位.
以上食評乃用戶個人意見 , 並不代表OpenRice之觀點。
讚好
用餐途徑
堂食
用餐時段
晚餐
