醉辣鮮 (新田購物城) (已搬遷) 新店位置

今日同男友行完元朗千島湖，即刻上網睇下附近有咩好食～好想食海鮮，但係而家有疫情，打邊爐又係高危。。呀，蒸海鮮咪無問題囉新田購物城真係平時上大陸玩先會經過，都未入過去。今日有揸車就岩哂嘞！因為呢度食飯可享用免費泊車，可以慢慢食，又唔洗諗泊車，抄牌問題好得意，成個魚缸放係店中間，一入去我仲以為好似泰國夜市咁有得自助夾海鮮一坐低就送上呢客溫泉蛋超幼滑，拌埋豉油，一流既開胃小食行完山真係好需要一杯冰凍啤酒！！爽呀～蟲草花木耳蒸滑雞雞件超嫩超滑，蟲草花又香口，木耳索哂雞汁同蟲草花香，份外滋味我最期待既海鮮大大粒元貝鮮甜好味，時間岩岩好，熟度適中新鮮鮑魚拼盤上枱時兩隻鮑魚仲郁架，保證新鮮，所以味道特別鮮甜本地生蠔雖然size無美國蠔咁大隻，但勝在唔縮水，而且好肥美juicy, 好好食你睇下d白蜆幾肥嘟嘟無沙，鮮甜一定一定要歎埋個粥全部海鮮既精華都落哂去，配上芋頭，南瓜，蟲草花，個粥係極之鮮甜好味！！如果煲耐d會再綿d呀真係一個人食兩碗係基本仲有腐竹糖水做飯後甜品不過味道偏甜，但有糖水濕濕口都係開心的真係好滿足呀