聚福樓 (已結業)

雖然小弟係屯門友，但真係好少行屯門，而有來過青善街的朋友都知這裡有唔少食肆，而小弟今次來到這間名似中餐實則西餐的聚福樓。我們一家無預先預約，女服務都想做我們生意，俾張一點預約的枱我們，小弟問上餐速度快嗎？佢話可以的，那我們便坐上叫餐。叫完三個餐包飲品到上第一柸已經過了三個字，雖然小弟唔飲咖啡，但這柸的確是易入口。牛肉漢堡是小弟喜歡的，而且真係有5成熟，漢堡包有少少脆，牛肉新鮮有肉味，配上脆薯角同沙律，的確唔錯。這柸綠茶就差點，只有淡淡綠茶味，一柸放了生果的綠茶，如果加點鮮果汁落去會好好多。朱古力就唔同，夠濃，而且棉花糖是親手落，唔會上枱前就融，而且仲有拉花，心意同成意十分。而早餐同扁意粉都普通，份量夠。我們結帳時剛好一點，價錢感覺貴了點，而且這間店的確是適合慢食，有大樹遮蔭，有霧化風扇，服務會關心我們上菜速度，食物同飲品都有一番設計，適合二至四人坐下來慢慢享受食物。我們也實在太似牛。這間店整體是中上，除了價錢比較貴外，食物，環境，服務，都是滿意的。