茶里 (希慎廣場) (已結業)

假期的最後一天，工人姐姐無假放，所以可以放低兩女，同蝦子餅去遠啲地方行下街！再加上有港鐵有特惠票價，我地就嚟左 CWB嘅希慎廣場了！行下，買下，企下～咁啱見到呢間茶店有位坐，就入去 Tea 一 Tea！點了一個二人餐：有窩夫同兩杯花茶呢杯係金銀菊杞凍茶有淡淡的金銀菊味～不甜～而且潤喉，好適合夏天時飲！我就揀了一杯熱的玫瑰洛神花茶開始飲時，會有一陣玫瑰花味，再飲到一半啲洛神花味就岀哂嚟…酸尾尾的～好好飲，而且是沒有甜的，最適合配以下的甜品！呢個窩夫真係好好好食，一上枱係熱辣辣的，外面脆口，切開後加啲雪糕放入口，嘩！真係好軟糯的，未試過食一個窩夫係咁好食 ！連一向少食甜的蝦子餅都同我爭食到最後一啖！