影片
更多
2018-10-27
730 瀏覽
是日book左位，加上早到冇咩人，唔洗等就入左去。但帶位果到都帶得好差，一開始我同一個男店員講我訂左位啦，佢就一野帶我行去戶外位，甘我同朋友唔想坐戶外，於是我停左係出口到，但果個店員居然冇理我係去招呼房外位其他客人。然後另外有一個女店員就問我做咩，我話唔坐戶外呀，突然又有另一男店員問小姐你有冇訂位呀？於是我就答有，但隔離女店員幫我答冇。。。我已經好無奈，唔明點解帶位安排位甘少事可以搞到甘亂。之後女店員先突然帶我去前台問返我訂位資料，我真係好無奈甘覺得唔係應該一早問左人訂位資料先帶位咩，由一開始就錯哂！甘果女店員安排位又係唔知想點安排甘，又有另一男店員出現幫手安排位，我果下失去左耐性，於是自己去一張枱放低袋就算唔想再糾纏，甘果男店員又問呢張呀？仲想安排窗邊果張俾你。然後我好淡然話呢張可以啦！其實成件事係好簡單甘安排一張4人枱俾我，但成個過程居然有4個店員參與，而最終事件都係果客自己忍唔住解決，真係好令我懷疑佢地做緊咩，俾人帶黎帶去搞左勁耐都未坐低會令客人好不爽，希望下次好好培訓前枱店員！甘食物揀左南美海鮮薄餅，香煎虎蝦龍蝦汁燴米型粉，黑椒蒜片牛柳粒，10蚊蠔一打，其實就係衝住10蚊蠔黎食
甘食物揀左南美海鮮薄餅，香煎虎蝦龍蝦汁燴米型粉，黑椒蒜片牛柳粒，10蚊蠔一打，其實就係衝住10蚊蠔黎食，野飲就揀左柚子梳打。
先講南美海鮮薄餅，餅底係脆餅底，岩哂我口味，海鮮食到有蝦魷魚蠔甘，芝士同啲海鮮料都算足料，唔錯既幾好食。
南美海鮮薄餅
$168
13 瀏覽
0 讚好
0 留言
到香煎虎蝦龍蝦汁燴米型粉，本身都幾期待，因為出邊少食到米型粉。虎蝦煎得太老，所以好硬同鞋口。龍蝦汁唔睇menu都唔知，一直以為食緊番茄汁飯，完全食唔出係龍蝦汁黎，米型粉就係普通意大利飯甘，整體唔難食但都幾失望。
香煎虎蝦龍蝦汁燴米型粉
$138
14 瀏覽
0 讚好
0 留言
到小食黑椒蒜片牛柳粒，以為係穩陣既選擇，點知牛係煮得老左所以鞋口，果汁冇咩黑椒味，朋友仲話食到酸味，又係失望之選。
黑椒蒜片牛柳粒
$98
13 瀏覽
0 讚好
0 留言
到主角10蚊蠔啦，點餐既時候店員都有解釋佢地日日都揀唔同蠔做呢個10蚊優惠，原諒我對蠔知識少又冇咩專心聽，大概聽到店員介紹今日既蠔係法國黎既，海水味重啲，甘我同朋友就叫左一打黎試下。甘啲蠔黎到係偏瘦既，食落係新鮮冇沙或蠔殼碎，俾10蚊呢個價唔會期望好多，呢個質素完全收貨有餘，10蚊蠔黎講真係好抵食，都會推介大家點！
10蚊蠔
$120
29 瀏覽
0 讚好
0 留言
野飲揀柚子梳打一揸，味道正常，但唔太夠柚子味，不過不失啦！
柚子梳打
$88
15 瀏覽
0 讚好
0 留言
整體黎講店員除左一開始帶位差外，服務係正常既，又會介紹下蠔俾客人知。除左10蚊蠔外，其他食物質素真係好一般，如果你只衝住抵食生蠔呢點係會推介既，如果期待多左可能會失望。
張貼
