更多
2020-04-21
404 瀏覽
今日同男朋友周年紀念,決定食返餐好啲。呢間餐廳係屋企附近,之前一直都已經想試,但見到價錢唔平,今晚就試試佢。呢度個seafood platter可以自己揀想食既野,好貼心。我地個seafood platter:生蠔 - Majestic / Gillardeau / Lambert / Pousse en Claire / La Perle Noire我哋另外仲叫咗兩隻地中海紅蝦同埋兩隻車厘蜆。五款生蠔食落口都好新鮮,另外佢有配刺身豉油俾我地食紅蝦同車厘蜆,車厘蜆超厚肉咬落口好鮮甜。食完啲凍野,我地一人叫左個黑松露蘑菇湯暖一暖個胃,黑松露味超重,個湯煮得夠傑身,飲落淡淡都係蘑菇粒。最後我地叫左個招牌忌廉汁龍蝦意粉,我地兩個人叫左一個細既份量都已經好足夠,好多舊龍蝦肉,舊舊都好大,咬落口肉質夠實,扁意粉煮到岩岩好,有咬口之餘配埋個忌廉汁好濃。最後最後好值得讚既係呢間餐廳會將啲餐具消毒完之後,放落一個膠盒度保持衛生同乾淨,你需要用到先至係個盒入邊攞。
呢度個seafood platter可以自己揀想食既野,好貼心。我地個seafood platter:
生蠔 - Majestic / Gillardeau / Lambert / Pousse en Claire / La Perle Noire
我哋另外仲叫咗兩隻地中海紅蝦同埋兩隻車厘蜆。
五款生蠔食落口都好新鮮,另外佢有配刺身豉油俾我地食紅蝦同車厘蜆,車厘蜆超厚肉咬落口好鮮甜。
食完啲凍野,我地一人叫左個黑松露蘑菇湯暖一暖個胃,黑松露味超重,個湯煮得夠傑身,飲落淡淡都係蘑菇粒。
最後我地叫左個招牌忌廉汁龍蝦意粉,我地兩個人叫左一個細既份量都已經好足夠,好多舊龍蝦肉,舊舊都好大,咬落口肉質夠實,扁意粉煮到岩岩好,有咬口之餘配埋個忌廉汁好濃。
最後最後好值得讚既係呢間餐廳會將啲餐具消毒完之後,放落一個膠盒度保持衛生同乾淨,你需要用到先至係個盒入邊攞。
張貼