影片
更多
2007-04-12
36 瀏覽
睇到食評推介蟹糕,講到好正,一於去試.店舖細小,但都有兩層. 我地坐門口,同櫃面好近,一叫就應你. 我估佢主打外賣,所以坐位好少.餐牌好似一般港式日本料理,再加一張影印壽司點菜單,睇落冇咩好感. 因為朋友要泊車,我都等咗一陣. 侍應一見我朋友入嚟,立即送上螺肉,中華沙律同八爪魚仔三色前菜,份量唔少. 我地對望,以為嚟錯,之後佢地話送俾我地食. 影印壽司單好平好平,每件,係每件由$5~$35不等. 我地主攻壽司,點咗魷魚,帶子,三文魚子,劍魚,吞拿魚腩,醋鯖魚,海膽,希寧魚,當然重有蟹糕啦!!!每件都好新鮮,尤其海膽同帶子好有鮮味. 蟹糕....嘩...濃郁甘香,好味呀!!!!!!!!!!!!! 小插曲係佢嚟錯吞拿魚壽司俾我,我地食完,諗諗下件紅色係咩呢,點解係吞拿魚,不過冇叫喎. 再問侍應,原來係搞錯咗,反而漏咗醋鯖魚,侍應話吞拿魚嚟錯送俾我地食,再整醋鯖魚俾我地. 數數下,送前菜,兩個麵豉湯,兩件吞拿魚壽司,睇番餐牌,總共送咗五十幾蚊嘢俾我地. 真係大方.店舖雖然細,但侍應服務好好,主動幫我換過杯熱茶. 而且壽司分段上,幾細心. 值得再試!! 不過建議唔好揸車,好難搵位.p.s. 照
店舖細小,但都有兩層. 我地坐門口,同櫃面好近,一叫就應你. 我估佢主打外賣,所以坐位好少.
餐牌好似一般港式日本料理,再加一張影印壽司點菜單,睇落冇咩好感. 因為朋友要泊車,我都等咗一陣. 侍應一見我朋友入嚟,立即送上螺肉,中華沙律同八爪魚仔三色前菜,份量唔少. 我地對望,以為嚟錯,之後佢地話送俾我地食. 影印壽司單好平好平,每件,係每件由$5~$35不等. 我地主攻壽司,點咗魷魚,帶子,三文魚子,劍魚,吞拿魚腩,醋鯖魚,海膽,希寧魚,當然重有蟹糕啦!!!
每件都好新鮮,尤其海膽同帶子好有鮮味.
蟹糕....嘩...濃郁甘香,好味呀!!!!!!!!!!!!!
小插曲係佢嚟錯吞拿魚壽司俾我,我地食完,諗諗下件紅色係咩呢,點解係吞拿魚,不過冇叫喎. 再問侍應,原來係搞錯咗,反而漏咗醋鯖魚,侍應話吞拿魚嚟錯送俾我地食,再整醋鯖魚俾我地. 數數下,送前菜,兩個麵豉湯,兩件吞拿魚壽司,睇番餐牌,總共送咗五十幾蚊嘢俾我地. 真係大方.
店舖雖然細,但侍應服務好好,主動幫我換過杯熱茶. 而且壽司分段上,幾細心. 值得再試!! 不過建議唔好揸車,好難搵位.
p.s. 照片係蟹糕壽司
張貼
