Cobo House (已結業)

以前嚟過一次呢間餐廳，環境舒適充滿藝術感，好啱慶祝特別日子。今次就同壽星女嚟咗食飯慶生。呢杯cocktail 賣相吸引，味道以紅桑子、紅石榴醋為主導，酸酸甜甜，酒味唔算太濃，幾易入口。沙律擺盤非常精緻，沙律菜新鮮爽脆，加入甜椒、番茄等配料，配搭清爽。強烈推薦加韓牛！韓牛烤得剛剛好，肉質細嫩富肉汁，牛味香濃。韓式炸飯卷用意大利米包住牛腩，外脆內軟，加埋底下嘅醬汁幾惹味，旁邊仲有醃蘿蔔可以解膩。主菜方面必試海膽意粉意粉面頭係忌廉泡沫，海膽鮮甜軟滑，扁意粉口感彈牙，配埋微辣嘅韓式醬汁同番茄醬好夾！終於試到招牌爆谷山焦糖爆谷入面係粟米雪糕🌽，店員會喺我地面前撒上粉紅岩鹽。爆谷上面淋左粟米醬，鹹鹹甜甜唔會太膩，大部份爆谷都保持脆身。甜品份量頗大，我覺得四個人share都夠。